أعلنت الحرب المفتوحة على المصادر المفتوحة وتأييدى المطلق لمايكروسوفت
يوليو 26, 2007 بواسطة anwarica
فى سابقة لم يسبق لها مثيل .. وبادرة لم يبدر عنها ظهور أى بديل .. أعلنت اليوم الحرب المفتوحة على المصادر المفتوحة! .. ولكى أكون واقعيا … ما الذى يمكن أن يحققه مجرد طالب طب تجاه المصادر المفتوحة؟ هل لمجرد اعتمادى الكامل على البيشو php؟ وهل هذا يكفى؟ .. لقد جربت اصدارات متعددة من اللينوكس .. وكلهم بنفس العيوب!! … وكل مرة ألفت النظر إلى موضوع بسيط .. وهو أن مايكروسوفت اهتمت بالزبون! سواء كان هذا الزبون مجرد مستخدم كمبيوتر بسيط لا يعرف الكيبورد من كوز الذرة أو كان مبرمجا محترفا .. لكن المصادر المفتوحة تفتقر إلى السهولة واليسر فى توفير بيئة مرئية مرنة!! ولهذا السبب، انتشار الويندوز على 94% من الأجهزة الشخصية ليس بالأمر العجيب! .. فما الذى يجعلنى أرفض استخدام تقنيات مايكروسوفت؟ وأقصد بتقنياتهم يعنى منتجاتهم مثل الأوفيس .. ومنتجاتهم الخاصة بالتطوير مثل vs.net وقواعد البيانات ms sql .. الخ الخ
إذا أنتجت برنامج .. لن يهمنى إن كان cross platform ففى النهاية أريده أن يعمل على الويندوز والويندوز فقط! أما بقية أنظمة التشغيل فلا أريد أن أراها .. سحقا لهم 
حاجة تزهق .. البلد كلها شعبا وحكوما قلبا وقالبا ماشى تحت سيطرة مايكروسوفت المطلقة حتى فى البنوك! .. ليه أمشى فى الاتجاه المعاكس طالما إنها مش شغلتى؟؟؟؟
سؤال طرح نفسه أرضاً .. وحرب نشرت نفسها جواً .. وابداع قتل نفسه دوماً .. وتفكير طال زمانه شهراً!
32 تعليقات إلى “أعلنت الحرب المفتوحة على المصادر المفتوحة وتأييدى المطلق لمايكروسوفت”
اترك رد
يجب أنت تكون مسجل الدخول لتضيف تعليق.
ههههههههه،
و انا معك في هذه الحرب
على فكرة يا أنور المصادر المفتوحة لا تليق بالمستخدم العربي و حتى المبرمج العربي فمن انشأها وصل اصلا الى الاكتفاء الذاتي في حياته اما نحن فنبحث كل يوم عن لقمة ، فكيف يمكننا ان نطور و نمضي ساعات امام جهاز الكمبيوتر و في الأخير لا نتلقى الى التصفيقات هذا ان حصلنا عليها !!!
تعيش مايكروسفت ت ت تعيش تعيش تعيش
ألا تعني الحرية شيئا؟؟
ما هي معنى كلمة الحرية؟؟ ألا يجب أن يكون لك الحرية في التحكم في نظام التشغيل كيفما تريد؟؟؟
أولا.. من المعروف أن أباتشي مفتوحة المصدر.. وهي أشهر وأكثر نظام سيرفر http موجود حاليا.. سواء على ويندوز أو جنو/لينكس
البي اتش بي نفسها بالأساس لغة برمجة مفتوحة المصدر ويمكنك التعديل بلغة البرمجة نفسها
خلين يأنقل لحضرتك مقولة قالها بيل جيتس
“It’s easier for our software to compete with Linux when there’s piracy than when there’s not.”, Bill Gates says.
حضرتك قرأت عن براءات الاختراع وتعرف ماهيتها؟؟ هل تعلم كيف تمنع ميكروسوفت الآخرين من تطوير التقنيات بواسطة تسجيل براءات اختراع لمكونات لم تخترعها هي بالأساس.. لكنها قامت بتسجيل براءات اختراع لها لتتمكن من مقاضاة وأخذ أموال من أي ممن يستعمل هذه التقنيات؟؟
هل تعلم أن في مارس 2006 وصلت ميكروسوفت لعدد خمسة آلاف براءة اختراع؟
هل تعلم أن مقاييس صيغة ميكروسوفت لأوفيس 2007 تتعدى الستة آلاف صفحة متجاهلة كل القياسات الموجودة بالفعل.. لماذا؟؟ لا يريدونك أن تفتح هذا الملف بغير ميكروسوفت أوفيس.. فأي شخص يريد عمل برنامج يقوم بفتح ملفات ميكروسوفت أوفيس سيضطر لتطبيق ستة آلاف صفحة من القواعد لا علاقة لها بالمقاييس العلامة للتواريخ و الصيغ الرياضية ولغة xml
وسؤال آخر.. لماذا يتصل ويندوز فيستا بوزارة الدفاع في الولايات المتحدة؟؟ هل هذه أيضا مصلحة الزبون؟؟؟
http://yro.slashdot.org/article.pl?sid=07/07/22/1712252&from=rss
هذا هو ميكروسوفت ويندوز
تدفع 300 دولار ثمن النسخة… نسخة لا يحق لك أن تنسخها لأي شخص آخر.. ولا يحق لك التعديل فيها .. ولا يحق لك إصدار أي نسخ معدلة منها.. ببساطة لا يحق لك أي شئ فيها.. فهي ملك لميكروسوفت.. وليست ملكا لك
استغنائك عن الحرية هو الذي يجعل ميكروسوفت قوية…
لماذا تكون ميكروسوفت المصدر الوحيد للتطوير وسد ثغرات الويندوز؟؟؟
بالنظر إلى المصادر المفتوحة… ببساطة لا يمكن لشركة أن تقيد استخدامك للبرنامج… فببساطة إذا لم تحترم الشركة حرية المستخدمين سيقوم المطورين بإزالة ما يقيد حرية المستخدم في برامجها وإصدار برنامج معدل
ليس بغضر الإعلان عن مدونتي.. لكن ربما يمكنك النظر هنا
http://gadeed.wordpress.com/?p=24
وببساطة.. لا يمكنك إعلان الحرب على المصادر المفتوحة وإلا فعليك أن تعلن الحرب على أباتشي و بي اتش بي
إذا كان نظام جنو/لينكس لم يعجبك فهناك نظم كثيرة أخرى مفتوحة المصدر FreeBSD, OpenBSD, GNU-Darwin, BeOS
إذا لم تتمكن من التعامل مع برنامج فربما هذا يعيب البرنامج.. لكنه لا يعيب الفلسفة من ورائه
أنت تضر نظام جنو/لينكس بهذه الطريقة
إذا كنت مؤمن بمبدأ الحرية فلا تتخلى عنه.. وتذهب للاحتكار
بل أفصح عن العيوب وناقش النظام بموضوعية حتى يتمكن مجتمع المصادر المفتوحة والبرمجيات الحرة من تطويره
وبالنسبة للحكومات.. من قال أن قراراتهم دائما سليمة؟؟؟ إن كان هناك قرارات سليمة بالأساس… عجيب أن ترى ربط حكوماتنا بحلول ميكروسوفت وتقنياتها أمرا جيدا.
انظر إلى الهند والصين
انظر إلى حزب Green Party في الولايات المتحدة الأمريكيةوبريطانيا وموقفه من الشركات المحتكرة والبرمجيات الحرة
وفي النهاية.. سحقا لويندوز.. وسحقا لميكروسوفت
معنى كلمة حرية فى نظري هى حرية الإختيار وحرية التعبير عن الرأى وحرية التفكير!! وكلها توافرت .. ما معنى أننى سأعدل فى نظام التشغيل؟ لماذا؟؟ هل أنا مبرمج؟؟ وهل لو كنت مبرمجا، هل يفيدنى ذلك؟؟ أريد انتاج تطبيقات وخلاص!!
هل سعر منتجات مايكروسوفت يهمنى وأنا لا أشتريه؟ هل يخسرون بسبب القرصنة؟ بالطبع لا .. ولذا فهذه منفعة متبادلة!
هل يفرق عندى أن تكون مايكروسوفت هى المسيطرة؟ لا فرق..
هل التجسس يهمنى أو يهم بلدى؟؟ هل نحتاج لنظام تشغيل للتجسس ومعلوماتنا ترسل بطرق أكثر تعمق ودراسة؟؟ لا نخشى منهم!
إذا كنا لا نجد لقمة العيش فهذه هى المشكلة .. فمن لا يملك قوت يومه لا يملك حريته!
أتعجب من هذا الأسلوب
سرقة المليونير مثل سرقة الفقير… المشكلة ليست من تسرق.. المشكلة في السرقة في حد ذاتها
فأنت تستعمل نسخة غير مرخصة
وهذه بعض النقاط التي ذكرتها أنت:
أولا: لا تفرق عندك أن تكون ميكروسوفت هي المسيطرة
ثانيا: لا تفرق عندك أن تستعمل نسخة ميكروسوفت ويندوز بدون ترخيص أي أنها ليست من حقك (لا تقل هل يخسرون.. نعم يخسرون.. يخسرون ال300 دولار التي كان المفروض أن تدفعها.. ستقول لن تفرق مع ميكروسوفت… إذا كانت لا تفرق معها كانت ستقدم ويندوز مجانا للجميع… كما أنا هذه الحجة لا تعطيك الحق في تحميل النسخة واستخدامها)
ثالثا: لا يهمك أن تتجسس ميكروسوفت والحكومة الأمريكية على البلاد العربية وافترضت أنه لا يهم بلدك أيضا
رابعا: إذا كنت لا تملك قوت يومك.. فبيدك أن تملك حريتك … لكنك تنازلت عن حريتك بأي حال من الأحوال… وإذا كنا لا نجد لقمة العيش وهذه هي المشكلة.. فقد قام مجتمع البرمجيات الحرة بحلها وقدم لنا نظام تشغيل أكثر من رائع بقدر كبيييييييييير جدا من التحكم.. ومجانا
واسمحلي أي مبرمج يريد إنتاج تطبيقات وخلاص!! فليحتفظ بمجهوده لنفسه.. فلن يفيد مجتمعه في شئ .. فقط سيفيد نفسه ولن يقدم ما هو مفيد أبدا… المبرمج الحقيقي يؤمن بمبادئ الحرية ويقدرها.. ولا يسعى وراء الأموال .ربما عليك أن تسأل مبرمج حقيقي له رسالة ومبدأ يعمل من أجلهما أما الهدف من تلك الشركات ليس الزبون كما ذكرت.. بل هي أموال الزبون.. وقبله أموال الشركات والحكومات.. فلا مانع عندها من أن تفرض القيود وتزرع برامج التجسس من أجل الشركات والخكومات على حساب الزبون الذي يجهل ما الذي بين يديه
الإيمان بمبادئ الحرية هو الذي يحرك مجتمع المصادر المفتوحة… أما التنازل عن الحريات فإنما يدفع بنا إلى الهاوية ومرحبا بتحرير أمريكا للعراق
عجبا عجبا عجبا
لقد افترضت الكثير من الافتراضات…. إذا كان عند بائع دواجن 1000 دجاجة… هل يعطيك هذا الحق في أن تسرق منه دجاجة وتقول أنه لن يخسر.. بل أنا حتى أروج لبضاعته.. ما بالك إذا كانت البضاعة أصلا مضروبة… أي باب من المنطق هذا؟؟؟
وأين حرية التفكير في نظام تشغيل لا يمكنك رؤية مصدره ولا كيفية عمله ولا يمكنك التعديل عليه؟
ولا يمكنك حتى التعلم من شفرته المصدرية!!!
أين هي حرية الاختيار إذا قبلت بأن تكون ميكروسوفت هي المسيطرة؟؟
الموضوع ليس موضوع نظام تشغيل.. الموضوع موضوع فلسفة برمجيات حرة… لا تسمح لأي شركة بوضع قيود عليك أيا كانت.. لأن رخص البرمجيات الحرة لن تسمج بذلك
لسه قارئ رسالة في مدونة أحد مطورين برامج جنو/لينكس.. سأقتبس منها التالي
I don’t use Linux because it is cool, I use Linux for the freedom it provides me. If I wanted to be cool, I would use MacOS X on a MacBookPro, have an iPod video with the latest “cool” song and video DRM’ed purchase on iTMS, would have bought a locked iPhone I couldn’t use as a phone, and spend my time on MySpace, youtube, instead of trying push Free Software forward with all the other Free Software hackers.
عليك أن تقدر حريتك وتؤمن بها ولا تسمح لأي عائق أيا كان أن يجعلك تتخلى عنها
وبالمناسبة أنت لم ترد…
كيف تعلن الحرب على المصادر المفتوحة و الphp والApache هما من أكبر المشاريع مفتوحة المصدر؟؟
أولا بالنسبة لموضوع السرقة والملكية الفكرية فنحن جميعا حرامية
هل تعلم أن الكتب الإلكترونية سرقة؟ فهى من المفترض أنها تباع ومع ذلك فنقوم بتحميلها؟ .. الأفلام والأغانى - لمن يحملونها - يعرفون أيضا أنها سرقة .. الكتب الورقية التى نصورها كلها - هذه أيضا سرقة لأنه لا يجوز تصوير كتاب بدون أخذ موافقه من الناشر!! .. هل ترى ما أرى؟ أنه فى جميع مجالاتنا السرقة موجودة بصورة أو بأخرى ..
ولكى أكون أكثر وضوحا .. بالنسبة لاستخدام الويندوز بدون دفع مقابل فاعلم أنه المقابل اندفع بالفعل وهو تحقيق الإنتشار! مايكروسوفت تسعى لإنتشار منتجها والدليل أنهم لو أرادوا منع القرصنة لقاموا بعمل أدنى حماية ستقلل من انتشاره بنسبة 50% على الأقل! لكن هيهات .. جميل أنهم يظهروا بموقف الشريف الذى يبحث عن حقوقه وهو تاركها بتعمد! .. كما أنه فى كل الأحوال لن أدفع لشركة فى بلد سرقت حقوقى .. فبسبب هذه البلد أنا وغيرى بندفع التمن ..
أما عن التجسس .. فالله الحمد لا يوجد لدينا شئ مخفى أصلا ..
وأما المبرمج الذى يريد أن يكسب فهذا حقه! .. وإن استطاع أن يطعم نفسه، فمن الممكن إفادة غيره!
موضوع الأباتشى والبيشو .. فعليك أن تعلم من المتكلم هنا ..
http://www.arabteam2000-forum.com/index.php?showtopic=60344
http://www.arabteam2000-forum.com/index.php?showtopic=53866
قد ترانى متعصب لهم لكن الحقيقة اعتزازى بتلك اللغة لم يمنعنى من قول الحقيقة دوما .. أن المصدر المفتوح كان ولا زال مفتقرا للواجهة البسيطة التى تناسب المستخدم العادى ..
لو ترى الجهل الذى أحاط بى فى كلية الطب لعلمت معنى كلامى .. ولعلمت أننى محاط بعالم يعتقد أن لينوكس هو اسم كريم أو دواء الحساسية! .. ولعلمت أنه ليس طريقى أن اندفع ضد التيار فى عالم يفتقر لأساسيات التعامل مع الآلآت .. بل أحارب المصدر المفتوح حتى لا أضيع وقت كل الذين سيسيرون على خطواتى ..
بالمناسبة، مواقعى كلها على لينوكس ولن أتحول لمايكروسوفت ويندوز لسبب بسيط هو اقتناعى بلينوكس كسيرفر! ولكنه لن يرقى ليكون على حاسب شخصى! وطالما أدفع لموقعى - ليس كرخصة طبعا - فلا مشكلة عندى.
ومن أجل أنك تدرك أن تحميل الكتب الغير مرخصة رخصة مجانية سرقة.. وأن الأغاني والأفلام بدون إذن الناشر سرقة فعليك أن تقف ضد ذلك… أليس علينا أن نبدأ بأنفسنا؟؟؟
أنا عن نفسي الحمدلله من أكثر من 6 أشهر قمت بحذف كل محتوى غير مرخص من عندي.. ومازال عندي مكتبة ضخمة من الكتاب والمحاضرات جميعها برخص مجانية وأغلبها تحت رخص Creative Commons
الكتب الورقية التي نشتريها مصورة من الجامعة.. نعم مسروقة بالتأكيد
أما عن موضوع بحث ميكروسوفت عن حقوقها فاطمئن.. فهذا قريب جدا مع موجة الTrusted Computing التي باختصار ستسمح لهم بالتحكم بجهازك بداية من الهاردوير
الغريب أنك تقول أني قد أراك متعصب؟؟
من المتعصب في هذا الحوار؟؟ لا تسرق دوري من فضلك
انا لست ضد أن تعمل بنظام ويندوز.. فهذه حرية اختيارك انت.. ليس لأحد حق بفرض اختيار عليك
ولكنك فقط حكمت على المصادر المفتوحة من خلال مجموعة برامج.. قد تعيب البرامج.. لكن لا تعيب الفلسفة والغرض منها
ومع كثرة مستخدمين نظام جنو/لينكس سيزداد الدعم .. فليس المفترض أن ننفر الناس منه…
قد يخسر نظام جنو/لينكس أمام ويندوز من ناحية سهولة الاستخدام.. أتفق معك في ذلك
لكن نظم التشغيل تتطور وتتغير حسب مستخدميها (على الأقل في المصادر المفتوحة هكذا)
أما الفلسفة والهدف من النظام لا تتغير وهذا ما ينبغي أن يدفعك لاستخدام النظام..
أتمنى أن أرى منك مقالا قريبا مفصل.. ينتقد المصادر المفتوحة بأمانة.. وقلها بصراحة
في اللينكس لا يمكنك عمل كذا و كذا.. وإذا أردت عمل كذا فيجب أن تتكبد عناء كذا و كذا في حين أنه يمكن تنفيذها بطريقة أبسط
بهذه الطريقة حتى إذا تركت عالم المصادر المفتوحة ستكون قد قدمت له شيئا
عموما أعلم أنك ستعود مرة أخرى لمجتمع المصادر المفتوحة .. ربما أقرب مما تتصور.. لكنك فقط ربما اتخذت قرار الاستعمال المباشر في توقيت غير مناسب…
أنت تعلم ما هي المواد المسروقة وتعلم ماهية الخطا… ألا يملي ذلك عليك وعلي قبلك أن نرفضه ونسير عكسه ونقاومه؟؟ ألا يمكننا الاستغناء عن بعض الإمكانيات (إن وجدت) مقابل أن نقاوم ما نعلم أنه خطأ؟
الجهل بالمبادئ أخطر من الجهل بالعلم.. ربما إذا علم زملائك عن نظام جنو/لينكس وماهيته خرج منهم شخص واحد أفاد مجتمع المصادر المفتوحة ودفعه خطوة للأمام
… لكني سأستمر بالمحاولة.. لأننا بحاجة إلى التعاون والمشاركة ونشر المبادئ والأفكار التي تثري المجتمع وتفيده
نعم.. لقد حاولت وأعلم ردود الأفعال المحبطة
فى هذه الحالة يجب أن أسأل.. هل أنت طالب فى كلية الطب البشرى؟
ساعتها هتعرف معنى أنه لازم تجيب مكتبة كتب طبية تمنها تمن شقة مفروشة!!!! … لازم نصور الكتب .. وساعات أصلا مبنلاقيش كتب أصلية لأنه توقف انتاجها والموجود هو التصوير! ننتحر يعنى؟
خليك بقى مكانى وهتشوف فلسفتى! وهتشوف إنه اخراج الناس من ظلام المصدر المغلق - إن صح تسميته ظلاما - ليست مهمتى إطلاقا وعلى العكس المفروض ألا أنساق وراء تقنيات تعطل وقتى بالفعل!
الدعم الفنى للمصادر المفتوحة كذلك دعم خايب .. لذا لن تخاطر شركة أو بنك باستخدام أى تقنية للمصدر المفتوح في حين وجود مايكروسوفت وأوراكل وغيرهم ..
لا أدري كيف تقول أن دعم المصادر المفتوحة دعم خايب.. هذه أول مرة أسمعها… بالعكس.. دعم البرامج الحرة هو دعم أكثر من رائع لأن روح المشاركة سائدة فيه
ثانيا إذا كان المفروض ألا تنساق وراء تقنيات تعطل وقتك فليس من المفترض أن تتعلم php وتنساق ورائها!!!
وأتعجب منك حيث أنك تكتب دروس php لتفيد الناس ثم تقول ليست مهمتك أن تخرجهم إلى المجتمع المفتوح… هل مهمتك فقط هي فائدتك؟ كونك جزء من هذا المجتمع عليك أن تؤمن بالإيجابية وأهمية مساهمتك في التغيير.. وإلا لم كتبت دروس php بالأساس؟؟؟
بالنسبة لكتب الدراسة… بالتأكيد سرقة.. لكن هذه الكتب فرضت عليك.. أما الآن فالاختيار بيدك أنت ولا يوجد دكتور يفرض عليك كتابا لا تسمح رخصته بالنشر والتوزيع مجانا.. فإن كنت تريد الصواب فافعله
سأكتفي على ذلك.. أعتقد أني أوضحت نقاط اعتراضي بما فيه الكفاية.. وبالتأكيد لك حرية الاختيار.. لكن أتمنى ألا تقف لمحارابتي ذات يوم.. لأني سأظل مدعما للمصادر المفتوحة ما دمت حيا
روى أبو داود عن أبي أمامة -رضي الله عنه- أن رسول الله -صلى الله عليه وسلم- قال
“أنا زعيم ببيت في ربض الجنة لمن ترك المراء وإن كان محقا… ” رواه أبو داود، في كتاب: الأدب، باب:في حسن الخلق، رقم الحديث: (4800).
في الحقيقة يا جماعة الموضوع بدون تعصب .. اللي ينجز العمل بكفاءة وسهولة سواء مفتوح أو مغلق .. هو المفضل لدي !!
أحب مايكروسوفت في جهات .. وأعشق المصادر المفتوحة في جهات .. فلما نضيع وقتنا في المفاضلة ؟؟
أحييك يا أنوريكا على البانر بتاعك .. حقيقى جوعني
..
أنا خايف بعد اللي بتعمله هنا في البلوج .. واستراتيجية التجويع البرمجية اللي متبعها في الفريق العربي للبرمجة .. تطلع في الأخر دكتور تخسيس !!! :))
تقبل تحياتي
يا أخى الكلام أخذ وعطا!
وبعدين ليس هذا بجادل لكى تذكر الحديث الشريف! فالجدال لا يؤدى لنتيجة أما النقاش - وهو الموجود - هو الذى يؤدى فى النهاية لنتيجة سواء لى أو لك أو لمن يقرأ!
لاحظ لما كتبت .. قلت الدعم “”الفنى”" وأركز على كلمة الفنى Technical support وليس دعم المشاريع! … لو حصلت مشكلة فى موقع بنك ولنفرض مثلا أنه يستخدم توليفة php+mysql .. فتخيل مين الدعم الفنى اللى هيتصلوا به؟؟ هيتصلوا بشركة زند ولا مين؟
فى حين أن مايكروسوفت بتقدم لها دعم محلى واقليمي فى المنطقة بل إن الدعم الفنى جزء من عملهم لأنه غير مجانى ..
ولو لاحظت تاريخ كتابة المواضيع الخاصة بدروس البيشو هتلاقيها من 3 سنوات .. أيامها كنت بفكر اشتغل مبرمج وبس!
أما عن الكتب، فمفيش دكتور يقدر يفكر أنه يفرض علينا كتاب! لأنه نظام الدراسة عندنا ندرس من أى كتاب طب فى الدنيا .. طبعا بنعتمد على بعض المراجع الكبيرة فى مواضيع لا تتوافر فى الكتب البسيطه .. وبنصور كتب كتيييييييير .. ومكتبة الكلية نفسها بتصور الكتب دى لنا
وبعدين ادينى مهلة أوزن الأمور تانى .. يمكن أكون غلطان
منور يا حاج كريم، إن شاء الله بعمل للفريق العربى حلة ملوخية تعويضا عن الأيام السابقة
لو حصل مشكلة في موقع بنك من php + mysql الطبيعي إنهم يتصلوا باللي عاملهم النظام.. يا إما المبرمج اللي أجروه.. يا إما فريق العمل في موقعهم إن كان برنامج مفتوح المصدر.. أكيد في حد هو اللي برمج النظام يعني
أما لو مشكلة في السيرفر فأكيد هيبعتوا في موقع فريق عمل توزيعة النظام اللي بيستخدموها.. زي CentOS مثلا
ولو بنك محترم هيدفع فلوس دعم فني لشركة Canonical لو هيستعمل Ubuntu أو شركة Novell لو هيستعمل SLED أو شركة Redhat لو هيستعمل Redhat..
ولكن في الحالتين.. أنا مش شغال في بنك.. ولا انت شغال في بنك.. فما أدرانا بما هي إمكانية الدعم الفني فعليا في مجال الenterprise … لذا دعنا من تلك الافتراضات
لأن مع وجود دعم فني غير مجاني لميكروسوفت.. في برضو دعم فني غير مجاني لجنو/لينكس
وعندنا دعم محلي برضو من شركات زي Linux Plus بتقدم دعم ريدهات في مصر
النقاش ممكن يستمر إلى مالا نهاية.. لأننا بنتنقل من نقطة لنقطة وكل سبب يترد عليه بسبب تاني
بس زي ما قلتلك أنا مش معترض إنك تستخدم ويندوز.. دي حرية شخصية.. لكن لا تهاجم المصادر المفتوحة
دي ناس شغالة بقالها زمن من أجل الدفاع عن حرية المستخدم مش علشان الفلوس.. ولا بيجروا ورا مليارات وإنهم يكونوا أغنى ناس في العالم
أقولك أنا على حاجة.. ده موقع فيه فيديوهات لقمة اتعلمت في تونس سنة 2005 اتكلم فيها أكبر شخصيات المصادر المفتوحة.. ريتشارد ستالمان .. وبروس بيرنس.. و مارك شاتلوورث
هتلاقي الفيديوهات تحت
http://www.iosn.net/regional/wsis-2005/index_html/?searchterm=wsis
شوف الناس دي جاية من برة وإزاي بتتكلم عن دول العالم النامي وإن المصادر المفتوحة هتساعد على تطويرهم وهتديهم الفرصة لإثبات نفسهم.. هما اللي جايين من برة يقولوا كدة
حتى لو انت مش متفق معاهم فالناس دي بتتعب علشان تعمل حاجة كويسة.. ما ينفعش نيجي في الآخر نهاجم الناتج ونقوله سحقا
صحيح لا أنا و لا أنت شغالين فى بنك
لكن يمكنك بكل سهولة - وقد فعلت ذلك - أن تبحث كيفما تشاء عن موقع أى بنك فى العالم - حتى لو بنك موزمبيق - وترى هل يستخدم أى شئ من أدوات المصدر المفتوح؟ …
أو شركة طيران .. ابحث عن أى موقع شركة طيران وأيضا لن تجدهم يستخدمونها! .. ذلك لأن الاعتماد على المبرمج لا يكفى فى الدعم الفنى لأنه أحيانا المشكلة بتكون أكبر من كده .. أنا دخلت بنوك مصرية وشوفتهم بيستخدموا Microsoft sql server بعينى على أجهزتهم .. وطبعا نظم التشغيل كلها ويندوز بدون تفكير
النقطة الوحيدة اللى بقدر أفكر فيها أو اللى ممكن أعدلها فى تفكيرى هو موضوع القرصنة .. إنه الواحد يا إما يستخدم أداة مجانية وإما يدفع! لأنه مهما كانت المبررات فلا يصح إلا الصحيح فى نظرى .. المشكلة لو إنى استخدمت open office مثلا .. هيجي زمايلى فى الكلية يعطونى ملفات أوفيس 2007 وغالبا مش هتشتغل عندى! ناهيك عن آلاف البرامج ومنها برامج إسلامية اشتريتها من معرض الكتاب!
البنوك المصرية ليست شاننا الآن.. لأن الحكومة أساسا ربطت نفسها باتفاقيات ميكروسوفت.. ولن يمكنها تغيير ذلك مادمنا نحن لا نريد التحول عن ميكروسوفت
بالنسبة للبنوك أو شركات الطيران تستخدم أدوات مفتوحة المصدر
مع إنك أكيد ما دخلتش كل البنوك بس خلينا نتكلم على المستوى العالمي
هل تتوقع إنك تقولي إن مفيش بنوك بتستعمل اوبن سورس وأنا ما ألاقيش مثلا؟؟؟
اوكي.. اتفضل دي أشهر شركة بتقدم خدمات اوبن سورس للبنية التحتية للبنوك وفي نفس الوقت بتقدم البرنامج بتاعها اوبن سورس مجانا للجميع
http://www.mulesource.com/customers/
شوف القائمة أد إيه… , Alcatel, CitiBank,Samsung, Sony, NASA, HSBC
موقع أمازون نفسه يستعمل أباتشي
لا أعلم كيف فعلت ذلك ولم تجد؟؟؟ لقد كان البحث غابة في السهولة.. ربما أنت بحثت في محرك بحث موزمبيق
ثانيا بقى بالنسبة لأوفيس 2007 أبو مقاييس فوق ال6 آلاف صفحة اللي الناس عاملة حملة لرفضها إنها تبقى مقياس عالمي للمستندات… انت كدة بالظبط حققت اللي ميكروسوفت عايزاه.. هي عايزة ملفاتها تفتح بأوفيس 2007 وبس.. وهو ده اللي انت عملته… وهو ده الاحتكار.. وهو ده اللي انت راضي بيه
انت بتتكلم في نقط بعيدة عن جوهر الموضوع… لأنك بكل بساطة لا تريد تكبد عناء أي شئ من أجل أيا كان
إذا لم تعمل برامجك على اللينكس باستخدام Wine فهذا بسبب أن اللينكس لا يلاقي الإقبال الكافي من العرب.. و إذا آمن العرب بحقهم في الحرية والوقوف ضد الاحتكار ودعم جنو/لينكس ستجد هذه البرامج متاحة للينكس بسهولة وحتى بدون أن “تشتريها” ..
هل ترى أننا لن نصل إلى شئ؟؟ هذا ما أقصده.. أنا أوضحت نقاطي.. الردود الباقية ستكون البنوك لا تستعمل المصادر المفتوحة فآتي أنا بالدليل.. ثم تقول المطاعم لا تستعمل المصادر المفتوحة.. فأبحث عن الدليل.. ثم المدونات لا تستعمل المصادر المفتوحة.. فلا آتي بالدليل لأنك تستعمل نظام مدونات مفتوحة المصدر
الفكرة أننا لا نبحث عن أمثلة لأن الأمثلة لن تنتهي.. الفكرة هي الإيمان بمبدأ.. وقد أوضحت هذه النقاط في البداية.. فإذا أقنعتك كان بها وتبقى وجهة نظري.. وإذا لم تقنعك فلك حرية الاختيار.. وأي استمرار في المناقشة لن يأت بجديد لهذه النقاط.. فحتى وإن كانت البنوك لا تستعمل المصادر المفتوحة فهذا لا يجعل المصادر المفتوحة فلسفة ضعيفة ولا يغير شئ من الحرية التي تعطيها للمستخدم
ربما كان الأولى بك ألا تستعمل جنو/لينكس بالأساس إذا لم تجد هناك سبب يجعلك تفعل ذلك
إذا كنت قد اقتنعت بثقافة مجتمع المصادر المفتوحة قبلها لم تكن لتهاجمه بهذا الشكل
وبالمناسبة.. انت لم ترد على كثير من الكلام الذي كتبته
عموما لن أقول أن البنوك ستستخدم تلك البرامج فى خدمة العملاء فممكن استخدامها لأغراض هامشية مثلما استخدمت وكالة ناسا Mysql فى شغل بسيط فى السجلات وليس فى الأغراض العلمية الهامة ..
وأيضا انظر
http://www.microsoft.com/opensource/default.mspx
عموما .. سأحاول قريبا كتابة بعض المواضيع للرد على الأسئلة بمنطقية
أنا و الحمد لله الذى هدانى من أنصار المصدر المفتوح , و على عكسك يا دكتور محمد أن , أخويا أيوب و غيركم شايف أن معظم الحاجات مفتوحة المصدر أقرب للمستخدم و رغباته و ده لأن ببساطة مطورى الحاجات دى بينظروا اليها الأول نظرة مستخدمين بيشوفوا هما عايزين ايه كمستخدمين قبل ما يكونوا مبرمجين.
علشان كده مثلا عندك الـ Firefox تحس أنه مريح للمستخدم و هو + دعمه للـ Extensions + توفر عدد هائل منها مجانى بيوفروا كل اللى الواحد عايزة من متصفح أنترنت.
تخيل واحد مبرمج ++C وقاعد يتصفح النت و حس أن فيه حاجة مش عاجباه فى المتصفح و ممكن أنه يضيفها بنفسه و يطور فيه ( يبقى هنا المطور نظر للموضوع بعين مستخدم ) فقام معدل على الـ Firefox بالأضافة اللى كان نفسوا فيها و نشر الموضوع ده للعالم , شوف كام واحد هيستفيد من حاجة زى كده معندوش خلفية عن الـ “الكيبورد من كوز الذر”.
تمام يا ريكا , وعيلة الفيباوية مستعدة تقبلك عضو فيها , بشرط التنازل عن كل اللى قلته فى حق الفى بى
فقط مع المستخدم الواعى هو اللى بيشعر بأهمية المصدر المفتوح .. أما المستخدم العادى ينتظر الشئ اللى هينجز! .. يعنى تخيل لو إنى عملت برنامج وقلت أوزعه عندنا فى المستشفى .. لازم أعمله يتوافق على الويندوز والويندوز فقط لأن المحافظة كلها لا تحتوى على جهاز عليه لينوكس
يا هاااااااااانى لا تصطاد الآن
أنا ضد الفيبى حتى الموت .. ربنا يخلى لنا c# >> أيوه هى تتبع المصدر المفتوح بس هنعمل تطبيقاتها vs.net 
أولا أحب أحيي الأخ حسن ابراهيم علي نفسه الطويل
وبرضه ريكا الزعيم
[quote name='anwarica']
لو ترى الجهل الذى أحاط بى فى كلية الطب لعلمت معنى كلامى .. ولعلمت أننى محاط بعالم يعتقد أن لينوكس هو اسم كريم أو دواء الحساسية!
[/quote]
فعلا واحد زميلي فكره مغني اجنبي وقالي ما أنا جبت الشريط بتاعه!!!
وطبعا أنا مع ميكو اللي مدلعانه زي ما قالولنا في مؤتمر 2005 بتاع فيجوال وسيكوال 2005: “ميكروسوفت بتدلعكم”
وخلينا مع ال Productivity يا معلم
قال أوبن سورس قال 
مبروك يا ريكا الانتقال, وبالنسبة لموضوع النسخ غير المرخصه للويندوز فممكن تشتريلك نسخة ويندوز XP من أي انترنت كافيه بيصفي نفسه هتلائيها رخيصة طحن وهيستغربوا ان فيه واحد عاوز يشتري ترخيص أصلا ! وبالنسبه لبيئات التطوير فاستخدم
Visual Web Developer Express المجانية تماما
وللأجاكس استخدم ASP .NET AJAX Toolkit المجانية والمفتوحة.
ولقواعد البيانات استخدم SQL Server Express المجانية تماما.
وبيهم هتعمل في يوم واحد اللي مايتعملش بالـ LAMP في شهرين.
وبالنسبة للاستضافه الغالية حبتين بتاع الويندوز, فلو انت من الناس اللي بتقدر قيمة الوقت وبتعتقد ان الوقت مش ببلاش فهتلائي الموضوع هو هو.
أيوة يا ميزو بيئات التطوير المجانية موجودة عندى من فترة .. من أيام فيجوال ستوديو 6 القديم كان بيتوزع مع كام نسخة أوفيس وويندوز على طلبة بعض الجامعات مجانا وهو مدعم من وزارة التعليم العالى!! إزاى مش عارف رغم أن بعض الطلبة دى كانت دراستهم بعيدة عن الكمبيوتر والبرمجة من أساسه ..
أنا مستعد أدفع ترخيص الويندوز لأنى شفت فى بعض مولات القاهرة بيتباع ب250 جنيه … يعنى أحوش له سنة كده أو مرتب شهر
آخر رد لأني أحب أن أوفر مجهودي ووقتي فيما يفيد
فافتراضاتك غريبة ولا أعلم على أي أساس بنيتها
>>استخدمت وكالة ناسا Mysql فى شغل بسيط فى السجلات وليس فى الأغراض العلمية الهامة
What is FlightLinux?
FlightLinux is a customized copy of a standard Linux distribution, adapted to the unique environment of a spacecraft control computer.
هل يعتبر هذا غرض علمي هام بالنسبة إليك أم لا؟؟؟
هذه هي توزيعة جنو/لينكس التي تديرها ناسا بنفسها…
أرجو أن تعيد التفكير… ليس أن تعدل قرارك… لكن لا تتهم المصادر المفتوحة اتهامات لا أساس لها من الصحة
أقصد بالأغراض العلمية الهامة فى وكالة ناسا بمعنى وجود reliability للمنتج! يعنى لا استخدم قاعدة mysql فى تسجيل آلاف من نتائج التجارب ثم اكتشف أن أوراكل كانت أفضل بسبب عدم وجود دعم فنى كافى لماى سيكول أو بسبب تعطل القاعدة عن العمل لأنها غير مصممة بطريقة تتناسب مع هذه العمليات!
وعموما هتلاحظ أن أيوب - وهو خريج آداب فرنساوى - وحزوووووووم كلية علوم ومعظم مؤيدى مايكروسوفت هم مبرمجون بعد الظهر مثلى
بمعنى أن البرمجة هدف ثانوى لنا وليست المهنة الأصلية .. فنحن secondaries ولن يهمنا المصدر المفتوح بالعكس يبدو أنه ضار لنا فى الوطن العربى .. نحن لا نحصل على أبسط احتياجاتنا فكيف نساعد العالم؟؟ وعلى رأى أيوب لما قال: “فمن انشأها وصل اصلا الى الاكتفاء الذاتي في حياته اما نحن فنبحث كل يوم عن لقمة”.
عموما لا تقلق .. الجايات أكتر من الرايحات وسترى المقصد
لأآآآآآآآآآآآآآآآآآآآآ يا ريكا
أنا مش بتاع علوم.. أنا مش بتاع علوم.. أنا مش بتاع علوم.. أنا مش بتاع علوم.. أنا مش بتاع علوم.. أنا مش بتاع علوم.. أنا مش بتاع علوم.. أنا مش بتاع علوم.. أنا مش بتاع علوم..
حرام عليك يا ريكا مين قالك اني بتاع علوم أنا طلقتها بالتلاتة من زمان أنا دوت نت وبس ومش secondaries وشغال اليوم كله مش بعد الضهر بس وموراييش حاجه غير الدوت نت
ما تشتري نسخة من برنامج المحاسبة الأخير بتاعي وتنفعني
خلاص ياحزوووووم فكرتنى بالمقولة المشهورة، أنا مش قصير أزعة أنا طويل وأهبل
هتقعد تقول أنا مش بتا ع علوم أنا بتاع دوت نت
انا اعشق المصادر المفتوحه لان تطويرها سريع اما مايكروزفت فبيني وبينها تار
منتظر اشتعال الحوار علي احر من الجمر بين عشاق المصادر المفتوحه والاخ صاحب المدونه الذي ارتد عن المصادر المفتوحه واعتنق الوندوز lol
السلام عليكم ورحمة الله
هذا مقال لأحد إخواني المهتمين بالبرامج مفتوحة المصدر يبين فيه شىء من فلسفة هذه البرامج وأسأل الله أن ينفعنا به
بفضل الله … معدل زيارات الموقع بتزداد بمعدل كويس جدا … ليه مش عارف
بس أظاهر إن فيه أكتر من أخ ربنا يبارك فيهم بينشروه في أماكن كتيرة جدا … الحمد لله
لكن اﻷزمة هي مش إن الموقع يتعرف … اﻷزمة إن الموقع يبقى عليه حاجة تتقري وتبقى مفيدة …
وطبعا بالنسبة لموضوع المصادر المفتوحة وعالم جنو/لينكس بالذات يعتبر الموقع خالي حتى اﻵن …
يا سلام هو الموقع فيه أصلا غير كده ؟
يا سيدي انا لقيت حد بيكتب وقولتله ﻷ متكتبش … لو عايز تتناقش في الموضع ده مستنينك في قسم الحوارات العامة
يا سيدي كله مدعو للكتابة والمشاركة بتجاربه امال كنا قاعدين بنحكي في ايه مش كنا قاعدين نقول فرق وجهود تراكمية ومجتمعات وخبرة تراكمية … ولا احنا خلاص اتعودنا على اغنية وطني حبيبي الوطن اﻷكبر
ايوه بس انا لسه مش عارف حاجة في الموضوع قوي وبالتالي مستني شوية ؟
اولا لو كنت مش عارف فعلا كان زمانك بتسأل … ولو بتقدر تحصل على المعلومة بمفردك فده شئ أنا أغبطك عليه وبجد ربنا يباركلك فيه …
لكن مفهاش حاجة لما تشاركنا بتجاربك دية … وتحاول تقدم حاجة ؟
ايوة بس انا مش شايف داعي للموضوع ده … وقتي والتزاماتي ومشاغلى ميسمحوش بكده
جينا لعنوان المقالة أصلا ؟ ماذا تفعل اﻵن ؟
أولا لما ترد بالطريقة دية … بتحسسني إني الناس اللي عايزة تقدم حاجة عبارة عن شخصيات فاضية وتافهة وملهاش معني … يا أخي يا حبيبي يا عزيزي … فيه اكتر من كده دلع … أظن معتقدتش
يا سيدي اعقلها شوية كده … انت فاكر الناس اللي قاعدة بتكتب وتقدم أي حاجة مفيدة دية … بتعمل كده ليه ؟؟؟
دول ناس عايزين يتعلموا ويتقدموا في حاجات معينة وعايزين توصلهم أسئلة بطريقة مختلفة ومشاكل من نوع جديد وبكده بيضمنوا إنهم دايما ماشين في طريقهم اللي رسموه لنفسيهم … أظن فاكر كام حلم وكام مشروع مشيت فيهم وكل لما تفتكر إنت وصلت فيهم ﻷيه … تندم إنك فكرت فيهم أصلا … يا أخي الحل بسيط … المعضلة كلها في ضوامن اﻷستمرار … جمع ضوامن ده صح … متقلقش على اللغة العربية
ببساطة يعني الناس دول شغالين عشان مصلحتهم وبيفيدوا نفسهم أولا قبل لما حضرتك بتستفيد مرة هم بيكونوا استفادوا مليون مرة … كون إن المجتمع بعد كده استفاد من المنظومة الحيوية دية مش مشكلة دلوقتي … المهم إن النظام مستقر وكفاءته عالية جدا
يا أخي أنا عارف إن طموحك مالوش حدود واحلامك مبيحداش حد … بس ده على قناة الفضائية المصرية بس … مش أكتر
انت عايش في الدنيا … وهي فعلا كلها مشاغل ومتاعب وحاجات تلهيك عن نفسك فما بالك بأحلامك وطموحاتك
مفيش أجمل من مجموعة من الناس اتفقوا على شئ وكلهم شايلين بعض … بس مش على حساب بعضيهم … ﻷ على حساب مصلحة كل واحد فيهم … إنت عايز توصل وانا عايز أوصل … مفيش حاجة اسمها أوائل ولا أواخر … انسى التخلف اﻷزلي دة …
لو ركزت في المنظومة دية هتلاقي تفسيرات كتيرة لما تحاول تبحث في موضوع المصادر المفتوحة باﻷنجليزي … هتلاقى شروحات عجيبة ومقالات زي اللؤلؤ وزعفران ومسك … طبعا إنت مش في الجنة ولا حاجة بس الموضوع كله ناس فاهمة هي بتعمل ايه وعارفة هتوصل ﻷيه … يمكن اكتر من اللي كان فاكر إنه معندوش وقت أو مشاغله كتير … بالمناسبة هو هيفضل كده طول عمره … معنديهوش وقت
لما تلاقى موضوع كامل عن كيفية تطوير النواةKernel ومتروك كده على النت ببلاش وكله يقدر ينزله بدون أي مشاكل … ده ليه … عشان جزاك الله خيرا … ﻷ يا بابا ﻷ يا حبييبي… دول ناس برة الدواير دية خالص
* أولا في الغالب الكتاب بيبقى بمساعدة أكتر من فرد … يعني أوقات كتير المجهود بيبقى متوزع
* ثانيا فيه ناس كتيرة في المجموعة نفسها تقرب من الموضوع شوية وبالتالي هما يتمنوا أي وظيفة في المقالة دية إن شاء الله هو اللي يكتبها بس أو يعرضها بأسلوب كويس
* ثالثا هما مستنيين تفاعلات وردود بالعبيط … هتساعدهم على التوغل أكثر في الموضوع
وأكيد هتعمق خبرتهم اكتر مليون مرة من أول مرة كتبوا فيه المقالة … أوقات كتير المقالة بيبقى ليها أكتر من اصدار
ناهيك طبعا إن لو حد احتاج الناس دول مفروض هيناديهم علطول … مفيش CV ومن غير حاجة أصلا… خلاص ناس معاهم خبرة في الموضوع واللي حصل حصل …
طبعا بيظهر دلوقتي يعني ايه يد الله مع الجماعة … لكن خير انسى دلوقتي
وبعدين انت مش بعيد قوي ولا حاجة .. بالعكس انت عملت الموضوع بمنظومته كده اكتر من مرة … كام مرة كنت عايز تتناقش في موضوع مهم وبتلاقى نفسك بتناقش ناس كتير وتتحاور معاهم وعايز توصل لحاجة … كتير صح ؟ … ليه ملقتش نفسك بتقول هو انا عندي وقت عشان اتناقش في الموضوع ده واقعد اكتب على المنتديات … ليه عشان ايه عشان كنت عايز تطلع بحاجة صح … يعني كان فيه دافع … طبعا عودة لموضوع المصادر المفتوحة أكيد هما عندهم دوافع تانية يمكن تكون خافية علينا أصلا … زي ما انت برده عندك دوافع تانية … يعني الموضوع مش نظرية كل شئ ولا حاجة …
ده عبارة عن تحليل عجيب كده … بيظهر كتير جدا لما الواحد بيشوف حال المجهود والمحتوى العربي على اﻷنترنت .. بفضل الله ولا حول ولا قوة إلا بالله…واللهم ما لا حسد .
” جزاك الله خيرا ومشكور يا أخي ”
مبروك ألف مبروك للكام مليون عربي اللي قاعدين على اﻷنترنت … عشان يقعدوا يتفننوا في كلمة مشكور بجد … فييه أمل وامل كبير جدا … بس هتلاقيه على قناة نتانا وما شاكلها … ماذا حدث للمحتوى العربي لقد تطور بطريقة غير متوقعة ومفاجئة بكل المقاييس ماذا حدث ؟
لقد تحول إلى
“ممكن نتعارف أخت زلابيا … اخوكي ضفدع الليل”
النصر لكل العرب لكل المتحررين … اﻷرض بتتكلم عربي …
طبعا هذه الجملة واحدة بتغيير اﻷسماء والأزمان … لكن للأسف الزمن غير معرف … فيه احتمال تفتح القناة سنة 3017 هتلاقى نفس الجملة …
انت يا عم انت هتعيش الكلام ده يتوقف إنت هتفتح القناة شهر كام ؟
ليه ؟
ﻷني قريت كتاب على الرصيف بيقول إن يوم القيامة سنة 3017 شهر سبعة … وبالتالي يا أخي انت بتتكلم في حاجات غيبية
انسى الموضوع ده وكمل معايا … معقولة هقدر هكمل … اللهم اعنا …
عودة مرة أخرى …..
طبعا فيه تجارب كتيرة حاولت تعمل محتوى عربي بعيدا عن الفرانكوآراب وبعيدا عن مشكور خوي
ولكن في الغالب كانت مساهمتها ضئيلة في ظل هذا الظلام الدامس …
أظن واضح جدا إني لا أنا ولا أنت اللي بنعمل محتوى عربي … ده وعي مجتمعات بأكملها .. يعني الموضوع مش موقع ولا منتدى
كلمة أخيرة يا أخي … اهمسها في اذنيك … طبعا لو كنا جبنا الموضوع من ناحية الدين كنا مش هنخلص
*زكاة العلم نشره ….
*إذا مات ابن آدم انقطع عمله إلا من ثلاث …
*من كتم علما …….
*من سلك طريقا يلتمس ……
ﻷ ده كان احتمال نلاقى هتافات وشعارات قومية ومشكور ويمكن ضفدع الليل ظهر واﻷخت زلابيا تنور … وهتلاقى كل اطياف اﻷلوان السياسية حضرت عفاريتي كده … وانت ارهابي وانت متذمت وامريكا واسرائيل والقدس … وكلام كده متعفن انا خلاص زهقت منه بصراحة
يا حماعة خلاصة الكلام اللي عايز بيعمل حاجة بيعملها … مش هنقعد نقول هي ليه وزارة اﻷتصالات مش عاملة كورسات مجانية عن المصادر المفتوحة ونقعد نتناقش ونتناقش ونشتم ونشتم وفي اﻵخر الموضوع مرمي على منتدى بدون أي فائدة ترجي منه
وكذلك الموضوع بالنسبة ﻷي حاجة غير اللينكس أو المصادر المفتوحة
طب ما كانوا يقعدوا يذاكروا ويساعدوا بعض … بدل مضيعوا وقتهم وقعدوا يقولوا أنا ورايا مشاغل …
تعالى كده نتخيل وضع الي بيدعو ده ﻷي حاجة … وضعه عجيب جدا … هتلاقيه بيربي نفسه وهو بيدعو … اصل هو ازاي هيعمل كذا إذا كان هو مفروض ميعملش كذا … وبعدين أنا قدوة طب هعمل كده ولا مش هعمل وهكذا … تلاقى أغلب نشاطاته من جيد إلى أحسن
والمثال ده مش للمناقشة … المثال ده لتقريب المسألة اللي اتكلمت عليها في اﻷول إني إزاي واحد قاعد بيكتب مقالة معينة بيستفيد مليون مرة قبل ما حضرتك بتستفيد …
طبعا تيقنت دلوقتي ليه … ” ﻷن يهدي الله بك رجلا خير لك من الدنيا وما فيها ”
صدق رسول الله صلى الله عليه وسلم
بدأ يبقى عندي اقتناع إني احنا هنتحاسب على اﻷحاديث اللي احنا عارفينها بالسلب مش باﻷيجاب … وانا لله وإنا إليه راجعون
وهذا رابطه حفاظا على حقوقه
http://www.andalusy.com/%D9%85%D8%B4%D9%83%D9%88%D8%B1+
ياه , انا مش عارف اذا كان الموضوع ده قديم ولا لأ لانى ماشفتش التاريخ بس شكل كل اللى بيتكلموا فيه نفسه طوييييييييييييييييييييل واحب اشارك
اولا : اللى بيقول ان المصادر المفتوحة مابتجبش فلوس يبقى ولا مؤاخذه مالوش خبرة فى مجال البزنس بتاع الاوبن سوروس ولو عايز دليل افتح جوجل ودور وهتلاقى حاجات كتيييييييييييييير
ثانيا : الاوبون سورس ليست فقط برامج وانما هى مبدأ فى الحياه وعم ريتشارد طبقة فى الكمبيوتر وهو مطبقة فى حياته
ثالثا : الانظمة المغلقة والتى تقوم باخفاء تفاصيل عمل النظام وتخفى عليهم ان معلوماتهم الشخصية يتم اغتصابها ايست حترمه
رابعا : ليس معنى انك تكون شغال عل اوبن سورس انك تنسى المغلق المصدر لانك دائما تحتاج الى معرفة لغة الاخر لكى تعرف مع من تتكلم
خامسا : نظام الويندوز يعلم المستخدمين البلاده وعدم القدره على حل المشكلات ويمتد تاثير ذلك على الحياه العامه , فهو يعاملك كما لو انك طفل رضيع تحتاج الى ان يطعمك الطعام فى فمك او يعاملك على انك غبى وان شركتهم عبقرية وباقى العالم اغبيه بدليل انهم دائما يحاولون مخالفة الانظمة القياسية واوضح دليل هو الانترنت اكسبلورر واسال اى مصمم خبيير هيقول ليك ان اللى بيعكنن عليه عيشته هو ازاى يخلى الموقع متوافق مع الاكسبلورر
سادسا : اللينكس يحترم الخصوصية ومن يحترم خصوصيتى فهو يحترمنى شخصيا
سابعا : لينكس لا يرقى من نظام للخوادم الى نظام للاجهزة الشخصية ( كلام فارغ ومن غير زعل ) لان اللينكس يعمل بفكر راقى ولكنك انت من تحتاج الى التخلص من رواسب ماضى الويندوز المتخلف
ثامنا : مشكلات نظام اللينكس ليست مشكلات مشتركة ولو وجدت مشكله مشتركة بين كل الانظمة فاعلم انك الخطأ بك انت انت من تحتاج الى تغيير بستم واعلم ان حل المشكلات فى لينكس اسهل من ويندوز بكثير فكل شئ فى قبضة يدك فهو يتوقف على مدى علمك وخبرتك
—–
اعتذر عن عدم الرد لانى لا اطيق الجدال الطويل
نعم لقد جئت متأخرا جدا .. انظر
http://anwarica.wordpress.com/2007/08/22/can-not-justify-the-war-against-open-source/