لماذا رفضت أن أكون مهندسا وتنازلت عن الهندسة؟
يونيو 16, 2007 بواسطة anwarica
للوهلة الأولى وبمجرد أن ترمق نظرة سريعة على العنوان ينطبع فى عقلك شعور بأن كاتب الموضوع هو طالب فى معهد أو طالب فاشل ترك التعليم من أساسه وهاهو الآن يبرر فشله ويكابر .. ولكن من حسن حظى التحاقى بكلية الطب البشرى (لحسن حد يتحجج ويقول طب أيه مش يمكن بيطرى) .. يمكن ده يدعم موقفى شوية .. برضه شايف ناس تفكيرهم راح إنى كنت “مجبر” على عدم الالتحاق بكلية الهندسة مثل ملايين الطلاب المجبرين على تعليمهم أصلا!! ولكن برضه فهمتنى غلط! لأننى دائما سيد قرارى
يعنى تفهم من كده إنى كنت بحب الهندسة ودخلت طب بمزاجى؟ صح كده
أنت ليه مدخلتش هندسة ودخلت طب؟ وده أكثر سؤال سمعته فى حياتى .. حتى اسمى لم يسألونى عنه بهذه الكثافة
عموما ردا على تساؤل ثانى أو فلسفة .. يقولك أنت غلطان .. لو كنت دخلت هندسة ولم تتنازل أكيد كان أفضل .. ودائما ردى يكون: أنت بتضحك على نفسك؟ معروف أن مجرد التقيد بكلية “ذكية”معناه روتين وتدمير لكل الطموح عن طريق خطوات بطئية مستمرة .. أيه لازمة إنى أدرس مع ناس كل تفكيرهم إزاى نحل المسأله دى ونحفظ الحته دى ونغش دى وفى الآخر مصيرك حاجة من اتنين .. يا إما تيأس وتنتحر يا إما تنجح وتبتكر بس فى الآخر بياخدوا شغلك ويرموه فى أقرب سلة مهملات - إن وجدت - وبعدها تلاقى مصريك حاجة من اتنين يا إما تنتحر يا إما تستمر .. لما تستمر هيبقى مصيرك حاجة من اتنين يا إما تيأس وبرضه تنتحر يا إما تستمر وتستمر وتستمر وتتوغل وتنتشر مثل المبيد الحشرى ..
طبعا الكلام ده معناه إنى بظلم دكاترة وطلبه فى الهندسة بسبب تعميمى بالشكل ده .. لكن معلش أنا مش شايف حد فى ال1000 سنة اللى فاتت عمل حاجة تذكر فى التاريخ علشان أكتب نسبتهم حتى! رغم اقرارى بأنه لو ربع هؤلاء الطلاب أخذوا فرصة لحدث انقلاب فى الموازين .. عموما مش مشكلتى
يا أستاذ أنت عايش وسط عالم مش محتاجين واحد بيفكر .. أنت عايش وسط ناس عاوزين يموتوا حتى بدون ما يحققوا حاجة لأنفسهم .. ليه تدفن نفسك طالما عندك الفرصة تندفن لوحدك!!! سلام يا مرسى
وبشكل أو بآخر الطب كله هندسة من العيار التقيل .. فرق كبير جدا بين دكتور عارف ميكانيكا ودكتور لسه مايعرفش يعنى أيه رافعه من النوع الأول (ولما يعرف الموضوع البسيط ده بيبقى فرحااااان كأنه اكتشف الذرة) .. فرق كبير بين دكتور فاهم فيزيا ودكتور معندوش أى علم بمبادئ أبسط الأشياء .. بلاش دوشة
————————————
ملحوظة جديدة: لو مفهمتش الموضوع يبقى اتفضل تكملة الجزء الثانى من هنا >>
21 تعليقات إلى “لماذا رفضت أن أكون مهندسا وتنازلت عن الهندسة؟”
اترك رد
يجب أنت تكون مسجل الدخول لتضيف تعليق.
بسم الله الرحمن الرحيم ،،
أولاً أهنئك على صراحتك للدنيا وحبك للعمل ولهفك للأجر .
لانه بصراحة موضوع الإنتقال من هندسة إلى طب لا يكون إلا لغرض عظيم ،،
ليس الغرض من ذلك احداث معجزة بالكون وما إلى خلافه ،،
ولكن يكفي أن ترسم البسمة بوجوه المرضى .
لأنها بالدنيا وما فيها .
كتب الله لك الأجر والثواب .
أحييك على قرارك أنا الاخر من محبي الهندسة (الإلكترونية) بل من عُشاقها
رغم أنني مبتدأ فيها و مع ذلك اخترت شعبة العلوم الحياة و الأرض و أفكر في
كلية الطب … و ألمس في موضوعك تشجيعا على ذلك أشكرك مع ان سبب
اختياري (المستقبلي) لكلية الطب هو قلة الأطباء في منطقتي .. تحياتي و أشكرك
على الموضوع و اعتذر إذا اطلت .
همممم, بصراحة كل اللي غيرك علما اظن راح يتمنون كثير الانتقال من الهندسة الى الطب…. الهندسة تعب راس و دوخة,, مثلا عندنا بالسعودية الطبيب راتبه يصل اضعاف راتب المهندس . يمكن طبيب عام بمستشفى محترم يوصل على الاقل 4 اضعاف راتب مهندس و المهندس غالبا يتراوح راتبه بين ال16 و ال25 الف ريال,, و الريال يساوي حوالي 2 جنيه مصري و شوي,, فعلى العكس انا اهنئك على انتقالك من الهندسة للطب خصوصا و ان كنت تقدر تحول بسهولة اكبر على مستشفى آخر يعطيك راتب مرضي اكثر ,,
لم أفهم الموضوع أريد الإجابه والشرح وشكرا
lemmouchi mohamed
كم هو عمرك؟
السلام عليكم
بالنسبة لموضوع التحويل فأنا عكسك
حولت من طب الأسنان إلى هندسة الحاسوب
(مع أن المردود المالي أكبر بالنسبة للطبيب)
ومع هذا فإنني أشجعك على عملك لأن الإنسان يجب
أن يذهب إلى حيث يحب أن يكون
لإن هذا الموضوع يقرر طبيعةحياتك ونمط عيشك
بص يا سيدي رايك مش صح طبعا لان اي واحد بيحب مجال لازم يكمل فيه قوللي انت ما الاطباء لحد دلوقتي مش عارفين يلاقوا حل لفيروس سي و لا علاج للايدز ولما انت زعلان ان احنا مش عارفين نعمل حاجه في الهندسه وبتقول انك بتحب الهندسه كنت ادخل هندسه انت وورينا حتعمل ايه العهيب مش فينا العيب في نظام التعليم و قله الامكانيات شكرا
فى يوم من الأيام هيلاقوا الحل مثلما وجدوا الحل لأمراض كان علاجها معجزة لم نصدق أنها ستتحقق! .. وعلى فكرة نحن لم نخلق الإنسان لنتدخل فى عملية الشفاء، أما المهندس فهو الذى يخلق الآلة وهو من المفترض الأدرى بتركيبها والأدرى بعلاجها
ومثلما قلت، الطب كله هندسة .. لو عاوز تتأكد من أبسط حاجة لو قرأت فى الفسيولوجى لوحده كفيل أنه يلفف الواحد كام قسم فى الهندسة .. أو قسم العظام صاحب تخصص الميكانيكا الحيوية .. أنا مش أهبل علشان أدخل كلية هندسة يتسرق فيها شغلى أو حتى يترفض من قبل ما حد يشوفه وأبقى فى الآخر لا أنا درست اللى عاوزه بصحيح - لأنهم فى الكيلة عمر ما كان اهتمامهم بالعلم - ولا خدمت حد بسبب عيوب نظام التعليم كما ذكرت بنفسك
السلام عليكم
يا باشمهندس ياسر متزعلش, أنت فهمت أنوريكا غلط, أنوريكا عايز يقول و ببساطة أن أساليب الشرح في كلية الهندسة عقيمة جدا (آسف في اللفظ) و ده معناه تدمير للطلاب المتميزين, فما بالك بالطلاب غير المتميزين؟ أتمنى أن تكون قد أستوعبت الهدف من المدونة أخي الجبيب.
و السلام ختام
اولا اوج ان اقول لطالبالذي في كلية الطب هذا ان يجاوب علي:
وبكل جراة انت تقول مش عايزتدخل هندسة ليش لانك مش قادر تثبت وجودك اطلاقا والا الشخص الذي هو واثق من نفسه لايلفي اللوم على الاخرين انا هانتظر وبكل صبر ايش با تعمل في مجال الطب واود ان اذكرك بشئ ما “الكــــــــــــــــــــــلاب النبــــــــــــــــــاحة لاتعض”
اهنئك بشئ جيد ” الطب يعتمد على الحفظ ” احفظ الاعراض شخص عالج ونادرا ماتجد الطبيب الماهر اقول نادرا ولك التجربة بالنسبةلي والله الذي لااله الا هو خالق كل شئ وهو على كلشئ وكيل لااجتهدن اجتهادا شديدا واعتمادي في ذلك على الله اولا واخيرا وما خاب من توكل على الله المهم رغم هذا نقول حسبنا الله ونعم الوكيل؟؟؟؟
ياهذا تصلوا لسنة سادسة مايعرف شئ دليل ايش ؟؟؟؟
برضه اتذكر البيت التالي:-
ملء السنابل ينحنين تواضعا ******والفارغـــــــــــــــــــــــات رؤسهن شوامخ.
شكرا
بالنسبة للتعليق الأخير، تعليقى هو “رحم الله امرئ عرف قدر نفسه” لو كنت تعلم قواعد اللغة جيدا لفهمت الموضوع ولفهمت المغزى، أما عن حكمك بأن الطب حفظ فالحفظ مطلوب فى جميع المجالات والطبيب الحاذق هو الذى يستطيع أن يربط بين المعلومات والمشاهدات الإكلينيكية ثم يواجه أى طوارئ تستجد فى العلاج!
الصراحة يا جماعة كلمت عقيمة دى صغيرة اوي علي طرق الشرح في كلية الهندسة مع العلم اني ادرس بنظام الساعات المعتمدة زي بره لكن ده شكل بس لان الداكترة العباقرة الي جار عليهم الزمن حولوه لنظام حفظ فاشل محدش فاهم حاجة تطبيقية صح حتي الداكترة ازاي دكتور ميكانيكا مشعارف الونش شغال ازاي!!! و واحد تاني مش عارف يحدد علاقة بين نقطتين في الفراغ .
يعني لو عاوز تفهم افهم تحفظ ايه علشان تنجح من الاخر واوعي تسال حاجة الدكتور مش عارفها تبقي ليلتك بمبي ها ها ها والامتحانات الي المفروض تقيس مستوي الفهم والتعامل مع حل المشاكل في كليتنا بتقيس حاجة تانية وهى سعة هارد ديسك دماغك علي العموم ده مش اخر المشوار اني اعد اعيط عشان مش عارف احفظ و باقول ربنا يخليلنا النت الي بنعلم بيه نفسنا واول حاجة هاعملها لما اخلص ان شاء الله مش اعد هنا في بلد بتدمر قدرات ابنأها يعني الدكتور زويل لو كان لسة اعد هنا كان زمانه شغال في جراش علي فكرة يا جماعة انا كل تقديراتي في الماد العملية امتياز والنظرية مقبول ومتميز بشهادة بعض الداكترة في الناحي العملية و حولت اشارك ببعض الابتكارات في وزارة الانتاج الحربي لكن لم يهتم بي احد. السلام عليكم
دكتور انور راجل بحترمه اوى مع انى معرفش اتجاهه اييه بالضبط فى الكمبيوتر بسبب ان له مشاركات فى كل منتديات عرب تيم وكتيير بيبان انها بتاع واد فاهم مش مشرف عاوز يحشر نفسه وخلاص
وفرحت كتيير اما لقيتله كلام يبين انه ملتزم بدينه مش مطنش
وتملى لما كنت احب ابين لزمايلى فى طب بيطرى اننا حمير اضرب المثل بالانور كمثال للفرق فى العقل بين بيطرى وبشرى
مش عاوز امدح كتير انا بس عاوز اشجع واقول برافوو لانى عارف ان الى بيفكر ما بيقابلوش غير
الى يقوله طظ واخييه وبلاش فزلكه
وان شاء الله يكون الطريق الى اخترته صح وربنا يسدد خطاك واخوانا المسلمين فى عرب تيم
والموحدين اجمعين
صحيح
أنا أخذت نفس الموقف
لكن مازلت متمسك بالبرمجة وبالمعلومات الهندسية ومتابعها أكثر من الطبية
عموما طب مش طب كله بقى محصل بعضه وباب التعيين إتقفل على الكل
يا عمي كون صريح مع نفسك
الهندسة بدها قدرات ذهنية اكتر بكتير من الطب
سيوكم من حكاية انو الطب بدو مجموع اعلى في جامعاتنا…
الهندسة اصعب بكتير من الطب…وبعدين ما هي الاطباء قدامهم مليون مرض ومش قادرين يلاقوا علاج
يعني ما تيجي تقول “انتو املهندسين بخخترعوا الة ومش عارفين تصلحوها”
allko من فضلك أقرأ الموضوع من بدايته يا بشمهندس!!
يبدو التحامل الرائع بدون ادنى قراءة أو فهم للموضوع
عن نفسى كخريج طب وطبيب و مبرمج نلت نصف تعليمى فى اوروبا
وحضرت السنوات الطبية الاولى فى كلية الهندسة والحاسبات والمعلومات
ايقنت ان الخلل الجوهرى والتعليمى فى النفوس و الطلبة لهى المثال الجيد على كل غير مجرب وغير مدرك ان يدرك الاشاعات المنطلقة ههنا وهناك
ففى كلية الحاسبات والمعلومات : بعد نقاش حاد مع احد العباقرة الاساتذة …والفرضية الاكاديمية المشهورة عالميا …( الفرق بين المصفوفة والمصفوفات - والمتغيير والمتغييرات ) ايقنت انى لن أحول من طب الى هندسة او حاسبات مهما حدث فلا قيمة لما أدرس تحت ايدى مدرسين وأساتذة لا يعون ما يدرسون …..
فى حياتى العملية كطبيب : ايقنت لم الرياضيات و الفزياء اساس دراستى الطبية اولا عند تعاملى فى غرفة العمليات مع المرضى ….ثانيا عند انتقالى للطب الآكاديمى فى الخارج
اثناء فترة الامتياز …..والتدريب الخاص لعدة اشهر فى اوروبا ايقنت ان نبدأ الطب كحفظ مبدأ خاطئ تمام وأحسست بالرثاء لكل من ظن ذلك وآمن بذلك خصوصا من طلبة الطب أنفسهم
فكثيرا ما كان الاساتذة والمقيمون بالمستشفى ما يرمون بالاسئلة التى تتطلب استنتاجات أكثر بغض النظر انك لم ترها من قبل فى أى من الكتب التى درست
ضع الاشياء معا
putting things together
هذا هو الطبيب الناجح …….و المهندس الناجح القادر على الاستنتاج والمحاولة والتجريب المتجرد من اى قوانين تعليمية عربية…….
باختصار : اذا لم يستطع الطبيب تكوين الخريطة واستنتاج ماهية المرض وتشخيص العلاج من الاعراض التى من المستحيل ان تتشابه فى كل مريض ( لا اعرف من اين أتوا بفكرة تسميع الاعراض و تشخيص نفس الدواء ) لما تمكنوا من العلاج
فالاطباء ههنا بالمعايير التعليمية العربية مازالوا أعلى الدرجات الأكادمية فى الثانوية العامة ( ندرك جميعا قصور التعليم العربى الثانوى وليكن ) فما زالت امتحانات التقييم فى كل الجامعات والكليات الطبية على مستوى العالم تصر على مستوى معين من الفكر والتفكير والقدرة على الاستنتاج والتحليل للدراسة الطبية …….حتى قال لى آحدهم فى جلسة التقييم يوما بعد تقييم الطلبة الجدد للرداسة الاوليه ( من ترى هننا هو فلان بن فلان ……وكما تعلم يمتلكون كذا وكذا ولكنى كل نقود العالم لا تكفى لان يدرس الطب فقدرتة على التحليل والاستنتاج لا تتجاوز قدرة مهندس ديكور ) …….
عملنا مع شئ خلقه الله يجعلنا ندرك اننا ( سواءا وضعنا فى المجال او اجبرنا عليه ) أننا مأجورون لخدمة الناس أيا كان العائد …فكل نقود العالم لا تعادل سعادة مريض مما شفاة الله على ايدينا
كدت أتم شهادة الهندسة الحيوية الطبيه التى ادرسها الآن بكل ما فيها من فيزياء ورياضيات بأنواعها وطالبنى اساتذتى بالاستعداد الى تغيير المهنه فى اوراقى الرسمية الى ” باحث و مهندس بالتقنيات الحيويه الطبيه ” كان كل ما قلت
لن أغير طبيب الى مهندس فى أى ورقة رسمية …..
ودمتم
عذرا أظن أنى لن أدخل هذى الصفحة مرة أخرى
فأليك هذا المقال من أحدهم قرأته مذ مدة
http://kelmeteen.blogspot.com/2007/07/blog-post_1557.html
كأحدى المعلومات الشبة شخصيه
يسألنى الكثير من الاصدقاء …خريجى الهندسة والحاسبات مذ سنوات عن اهتمامى بالبرمجة والرسم الهندسى وخلافه هذا غير التلميحات السخيفة اثناء حضورى محاضراتهم فى الهندسة والحاسبات منذ سنوات ( صراحة لم أكن لأعرف انى سأحتاج هذى المعلومات فى دراستى الطبية الخارجية ) …
” لم تدرس ما ليس لك ؟؟ لم تهتم بما لن تعمل ” كانت ردودى بسيطه ” هل تذكر مساعتدى لكم فى مشروع التخرج ؟ ”
وتغير السؤال :
” لم تعمل بما لم تتخرج به …الست طبيبا لم تعمل بالبرمجة والتصميم و و ؟؟ ” وكان أحرى ان يقولوا لم تنافسنا فى عملنا …..
عندنا أتجهت كطبيب ايضا الى الاعمال الحرة ….كصناعة البلاستيك ….
ظهرت نفس الأسئلة الأخرى الانيقة المنمقة التى قد تعبر عن شئ من الغيرة أكثر من تعبيرها وسردها لواقع ….
مما دفعنى الى ملاحظة ان هناك العديد و العديد من الاطباء الذين عملوا ونبغوا فى الكثير من التخصصات المختلفة ….
فى هذا الجيل عددت ما يزيد عن ال 20 مبرمجا كطلبة يدرسون الطب ….و العديد ايضا من المصممين و مطورى المواقع
هذا بغض النظر عن العديد من الكتاب …فى المدونات و الصحف
ولا يمكن التغاضى عن الرسامين من الاطباء ورسامى الكاركاتير ….فقد صارت عادة وقاعدة شبة عامة ان تجد الطبيب يقتحم المجالات الأخرى
فصار من السهل ان تصطدم بالطبيب الكاتب \ المبرمج \ رجل الأعمال \ الناشر \ المدون \ المصمم \ الرسام \ ………………..الخ
متفق معك يا د/ حمزة، مررت بمواقف شبيهة وكان أفضلها لما سألنى أحد المهندسين .. هل أدرس فى هندسة عين شمس أم القاهرة؟ فكانت الإجابة كوميدية طبعا .. وبعيدا عن دهشته فى الحوار الذى دار بيننا فدائما أوضح أن مجال الكمبيوتر - وليست الهندسة نفسها - ما هو إلا وسيلة مثل القلم يستخدمه أى إنسان .. والكثير من الأمثلة على الأطباء الذين تخرجوا وعملوا فى مجالات أخرى .. أليس الدكتور مصطفى محمود بخير مثال عندما ترك الطب بعد مزاولته 6 سنوات
عموما المهندسين اللى تكلموا عن الموضوع او الناس اللى تكلمت عن الموضوع لربما بسبب
ازدياد نسب عدد الاطباء وطلبة طب العاملين فى مجال المعلوماتية بشكل متزايد
ولربما نبدأ بأسم د.خلدون طبازة
http://www.khaledhosny.org/
كثيرا ما وجدت هذى التعليقات والاسئلة اسخف ان اتعب نفسى بالرد عليها …
فعندما يحتاجك هؤلاء الناس سرعان ما ينسون كل ما قالوا وفكروا به
وكل ما يتذكروه هو أنهم مرضى …وأنك الطبيب
In Russia - Our Teacher said
“Doctor is Like God , People go to him for sake of their own life , what ever they hate him , don’t believe in him but he’ll still their ” GOD ( Doctor)”
الطبيب مازال وسيظل عماد اى مجتمع فى آى مكان …بغض النظر عن اعتقادات الناس وكلام الناس ومهما كان تفكيرهم السطحى
بجد بشكرك اووووووووى ع صراحتك بس عاوزه اقولك حاجه للاسف دراستنا كلها غلط فى غلط لانها عباره عن حفظ وده اكترها طالب حافظ اوى ناجح اوى وهو ده الفرق بنا وبين الدول التانيه اننا حفظه مش اكتر وربنا يوفقك فى كليتك وتبقى دكتور شاطر ومتفوق يارب دايما