ليه يا عباس ليه

ده مش عنوان فيلم .. ولا مسلسل .. ترانى آخر مرة شوفت فيها التليفزيون عام 2004 أو 2005 مش تفرق عندى .. وأساسا من يوم ما خلصت ثانوية ومعدتش للتليفزيون أدنى أهمية عندى .. كفاية الكمبيوتر .. وعلى رأى المعلم الكبير بيل جيتس رئيس مكتب مكافحة - أقصد إدارة مايكروسوفت بيقول خلال الخمس سنوات القادمة ممكن نطلق على متابعى التليفزيون “متخلفين” .. هو طبعا مبيقولش متخلفين بس أنا استنتجتها من سياق كلامه .. والجدع عنده حق .. تلفزيون أيه وتخلف أيه؟ ليه تفرض على نفسك قنوات وكمان متفرحش بالريموت اللى عمال تقلب بيه يمين وشمال ما هو أنت مجرد متفرج! لكن على الكمبيوتر العالم تانى .. أنت المعلم .. وجود اتصالات سريعة غير كل المقاييس وقلب الموازين يا عبده .. من خلال موقع مثل youtube.com ومواقع أخرى لها مستقبل مبشر فى هذا المجال ..أعتقد أن معظم الجيكس Geeks - واللى بيكتب فى مقدمتهم، يكرهون استخدام الأجهزة العتيقة مثل التليفزيونات والتليفونات وحتى الأقلام!!! حاجة تقرف .. وبعدين فين
عباس بقى؟ هنشوفه بكره معانا